Ár gCeolchoirm Féin

Ar an seó Ciara agus Ó Ciardha an tseachtain seo beimid ag caint ar féilte ceoil agus ag craoladh na hamhrán beo is fearr a chuala ariamh.

Mar sin, idir 6-7 amárach ar Raidió na Life beidh ár gceolchoirm féin ar siúl againn leis na bannaí ceoil is fearr ar domhan, uilig in aon áit amháin i gcomhair ceolchoirm mhór mhillteach!

Ach chun an cheolchoirm idéalach seo a chuir le chéile tá do chabhair uainn! Má tá leagan beo d’amhrán ar bith a thaitníonn go mór leat, fág trácht anseo, nó seol giolc chugam @miseciara!

Fágfaidh mé sibh le The Frames ó Vicar Street 2002… tá sé go hálainn.

Tom Swifty

Rinne mé iarracht Tom Swifty a chumadh i nGaeilge.

Seo hiad an dhá cheann tosaigh:

“Is breá liom an portach!” a dúirt Tom go bog.

“Beidh mé ann ar ball.” a d’fhreagair sé láithreach.

… fág trácht má smaoiníonn tú ar cheann, le do thoil! Píosa spraoi!

Francach

Rinne mo dheartháir Éamon an léaráid seo toisc gur mhínigh mé dó gurb é an focal céanna é Francach agus francach (seachas an ceannlitir!). 

Francach

Deirtear gur tháinig francaigh anseo ar bháid na Normannach, agus is é sin cúis an ainm. B’é luch fhrancach an leagan fada de. 

Feicim, áfach, go ciallaíonn an focal francach aon rud eachtrach, nó andúchasach, ní hamháin ón Fhrainc. Cosúil leis an mbealach a úsáidtear ‘Gearmánach’ i gConamara is dócha?

Ar aon nós thaitin an scéal faoi na Normanaigh liom i gcónaí agus thaitin learáid mo dhearthár go mór liom inniu! 

Ciara agus Ó Ciardha

Thosaigh mé ag déanamh clár raidió ar Raidió na Life le déanaí. Bíonn sé ar siúl gach Déardaoin idir a sé agus a seacht.

ciara o ciardha

Tá beirt ar an gclár, mé féin agus mo chomhláithreoir Seán Ó Ciardha. Bíonn téama againn chuile sheachtain, agus casaimid ceol atá bainteach leis an téama sin.

An tseachtain seo bhíomar ag caint faoi thorthaí a bhí gan choinne – mar shampla an cluiche peile sin a bhuaigh an Ghearmáin, agus an eachtra le Garth Brooks – agus chasamar ceol as an nGearmáin agus an amhrán nua ó Coláiste Lurgan atá ina leagan Gaeilge de Garth Brooks.

Chuala mé athchraoladh den chlár an lá dár gcion agus bhí ionadh an domhain orm cé chomh Bleácliathach ‘s atá mo ghlór…! Cheap mé nach raibh sé mar sin… an bhfuil fhios ag éinne ar focal breá Gaelach ar delusional?

Má tá aon mholtaí ag éinne maidir leis an gclár, nó aon rud go mba maith leat cloisteáil, abair liom!