Faoi

Scríbhneoir Cónaithe DCU 2020 í Ciara Ní É, agus in 2019 ceapadh í ina hambasadóir le hÁras Scríbhneoirí na hÉireann.Tá a céad chnuasach filíochta idir lámha aici faoi láthair. 

Is í Ciara a bhunaigh an oíche mic oscailte REIC, a mbíonn filíocht ó bhéal, rap, ceol, scéalta, agus eile le cloisteáil ann.

Tá a cuid filíochta léite aici i Nua-Eabhrac, i Londain, sa Bhruiséil, sa tSualainn, agus sa bhaile in Éirinn. Foilsíodh saothar dá cuid agus aistí liteartha léi in irisí éagsúla, Icarus agus Comhar ina measc.

Roghnaíodh í don scéim ‘Introductions’ de chuid Poetry Ireland sa bhliain 2017. An bhliain dár gcionn, d’eisigh sí sraith físdánta i gcomhar le hÁras Scríbhneoirí na hÉireann.

Chomh-bhunaitheoir an chomharghrúpa Aerach.Aiteach.Gaelach í, agus roghnaíodh togra léi don Abbey 5×5 2020.

Fuair an físeán an dáin Phenomenal Woman faoin LGFA breis is 300,000 radharc, agus tharraing sé aird fhairsing ar a saothar.

I measc a cuid coimisiún áirítear RTÉ TV, BBC Radio, TG4, agus The Irish Writers Centre.

Bíonn Ciara le cloisteáil ar Raidió na Gaeltachta go minic, agus is breá léi láithreoireacht.

Cuireann sí lena leathanach YouTube go rialta, idir fhíseáin filíochta, agus an tsraith What the Focal!?

Ciara Ní É
Facebook: https://www.fb.com/miseciara
Twitter: https://www.twitter.com/miseciara
YouTube: https://www.youtube.com/c/miseciara
Soundcloud: https://soundcloud.com/miseciara

REIC
Facebook: https://www.fb.com/reic.eire
Twitter: https://www.twitter.com/reic

8 thoughts on “Faoi

  1. powerofnaming August 21, 2013 / 3:19 pm

    Nílim tar éis ach forbhreathnú gairid a dhéanamh ar’n mblag seo go fóill ach tá cuma an-spéisiúil go deo air.

    • miseciara August 26, 2013 / 3:32 pm

      Grma Ian! D’fhéadfainn an rud céanna a rá faoi do bhlag féin. Ciara

  2. colm@kilarecords.com August 26, 2013 / 2:32 pm

    A Chiara dhil. chonaic mé do dhán fúinn (Kíla). bhanieas ana-thaitneamh as. An mbeadh cead agam an nasc a chur ar ár suíomh facebook? An-scríobh dála an scéil. Is cinnte go bhfuil leabhar id smaointe agus na cartúin beaga atá agat. Bhaineas ana-thaitneamh as roint des na míreanna. Le meas. Colm

    • miseciara August 26, 2013 / 3:39 pm

      A Choilm, a chara,

      Tá lán cead agat nasc a chur ar bhur Facebook. Ba mhór an onóir é!
      Grma as an moladh, agus (i gcónaí) as an gceol.

      Ciara

  3. roibeard December 17, 2013 / 9:21 am

    A Chiara, chuala mé ag caint ar Cruinneog thú an lá faoi deireadh. Thaitin do chuid cainte go mór liom. Ós rud é go ndúirt tú go raibh tú ag iarraidh deiseanna le Gaeilge a labhairt agus go raibh sé sách casta craobh de chonradh na gaeilge a bhunú seans go mbeadh spéis agat sa réiteach ar thánamar air anseo sa Bhruiséil, mar atá Na Gaeil i gCéin ( https://www.facebook.com/NaGaeilIgCein?ref=hl ). Deis do ghaeilgeoirí teacht le chéile uair sa mhí is ea na Gaeil i gCéin, ach murab ionann is ciorcal comhrá ní shuímid sa bheár ná sa chaife céanna gach mí, socraímid áit éigin is díol spéise dúinne nó do thurasóirí agus buailimid le chéile ann nó ar an mbealach chuige. Measaim gur fearr le daoine rud éigin a bheith ar siúl acu agus gur nádúrtha an comhrá a bhíonn ar siúl seachas ag ciorcal comhrá. Ní theastaíonn ach croí-ghrúpa de thriúir nó ceathrar leis an ngrúpa a choinneáil ag imeacht. Táimid ar an bhfód le bliain anois sa bhruiséil agus ba bhreá linn an coincheap a fheiceáil ag leathnú amach. Bhí duine againn ag iarraidh blag a thosú freisin, is féidir súil a chaitheamh air sin leis: http://gaeiligcein.wordpress.com/about/

    Má tá aon chomhairle uait faoin gcur chuige a d’úsáideamar nó aon cheo mar sin, cuir ríomhphost chugam. Coincheap an-simplí is ea é agus baineann daoine an-taitneamh as.

    le dea-mhéin

    Roibeard

  4. Mary December 7, 2020 / 7:53 pm

    Ciara, Is mise mac léinn abi í bhliain a 3 sa DCU ag deanamh Gaeilge agus Iriseoireacht.
    Ba mhaith liom agallamh béag a dheanamh leatsa mar measunaí í mo mhodúil: Nuachtlaenta le Richie Conroy

  5. schmitztimo January 9, 2021 / 12:11 am

    Fàilte. Tha mi ag ionnsachadh Gàidhlig na h-Alba. Tha fios agam a tha Gàidhlig na h-Èireann agad, ach feumaidh luchd-labhairt na Gàidhlig taic a thoirt dha chèile… 🙂

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s