WTF!? returns, le Canúint na Mumhan!

After a brief 4 month hiatus (which you can read about, as Gaeilge, on RTÉ here), What the Focal!? is back.

Last November the wonderful Seaghan Mac an tSionnaigh was kind enough to sit down with me and answer many many questions about Canúint na Mumhan, Munster Irish. Seaghan and I are both in America teaching Irish as Fulbright FLTAs.

This is just video one of FIVE… I’ll try and get the rest of them up in the next few weeks.

Advertisements

Rosanna Davison ar mo réim bia

Cuireadh faoi agallamh mé don phíosa My Day on a Plate, a fhoilsítear san Evening Herald.

Is féidir an t-alt a léamh ar shuíomh Rosanna anseo.

Faoi láthair táim i mBostún ar mo shlí abhaile don Nollaig, agus is iomaí deis ite atá anseo.

Bhí Rosanna sásta go leor liom sa léirmheas a scríobh sí… ach n’fheadar cad a cheapfadh sí faoi na rudaí atá ite agam le lá anuas?

Seo cúpla pic…

 

Mar a luaitear san alt – beidh mé mar bhean an tí ag imeacht IMRAM @ REIC Dé Luain!

Bí linn agus roinn linn do chuid!

18ú.

Imram Xmas brochure 2017 No2_Page_5

 

Dialann na Samhna

Dialann na Samhna foilsithe ar shuíomh RTÉ anseo.

Rappáil as Gaeilge i lár New Orleans, mo chéad chluiche de Pheil Mheiriceánach (#GoBills!), obair obair obair, agus neart eile!

Seo cúpla pic sa bhreis:

 

WhatsApp Image 2017-11-24 at 11.04.40 PM
Radharc ar an Lake Pontchartrain Causeway, New Orleans, agus an ghrian ag dul faoi

Ar mhaith leatsa dul ar Fulbright?

Seo nasc go dialann uimhir a trí liom faoi mo sheal anseo i Meiriceá.

Gach lá nuair a éirím anseo bíonn a fhios agam go bhfuil iontas éigin eile romham! Is mór an spraoi é, agus tá liosta de rudaí a sheasann amach dom á choinneáil agam ar an sruth #USAdarliom.

Níl tinneas baile orm, ach is cinnte gur deacair éisteacht le Raidió na Gaeltachta faoi láthair agus na tagairtí síoraí faoin Oireachtas (i. an deireadh seachtaine is fearr den bhliain!). Ní chreidim nach mbeidh mé ann!

ACH táim ag súil go mór le Oíche Shamhna agus deireadh seachtaine #OnaS17 a chaitheamh in **NYC BABY** le grúpa cairde ón mbaile… ceapaim ndéanfaidh sé sin cúis!

Mar a tharlaíonn, is í Oíche Shamhna an spriocdháta le cur isteach ar Fulbright don bhliain seo chugainn!

Is féidir tuilleadh eolais a fhoglaim anseo: http://www.fulbright.ie/going-to-the-usa/fulbright-irish-flta-awards/

 

 

Ag athbhreathnú ar Corp agus Anam

Cé go bhfuil sé imithe le fada ó Sheinnteoir TG4, bhreathnaigh mé ar an gcéad shraith de Corp agus Anam an tseachtain seo caite!

Cén chaoi? Mhz Choice.

Is comhlacht domhanda é, a bfhuil sé mar chúram acu teilifís idirnáisiúnta d’ardchaighdeán a sholáthar do Mheiriceánaigh agus do Cheanadaigh.

Súil eile ar fad ar fad dóibh!

corp anam poster

Léirigh mé an chéad chlár do roinnt mic léinn anseo ag Villanova an tseachtain seo caite.

Theastaigh uaim rud éigin nua-aimseartha a thaispeáint dóibh mar is fuath liom an íomhá bréagach seanfhaiseanta den tír is den teanga a bhíonn ag daoine in amantaí!

An lá dár gcionn labhair mé le mac léinn amháin a chuaigh abhaile agus a shínigh suas láithreach do MHz le leanúint ar aghaidh ag breathnú air! Dar ndóigh is mé a bhí sásta é sin a chloisteáil.

D’éirigh liom triail saor in aisce 30 lá a fháil don suíomh – agus os rud go bhfuil an dara sraith de Corp agus Anam acu chomh maith, is mian liom é a chríochnú an tseachtain seo!

 

Tá cuntas FB ag An Ghaeilge!

Táim ag múineadh Gaeilge faoi láthair in Philadelphia agus ar maidin bhí rang cultúir le múineadh agam.

Theastaigh uaim stair na Gaeilge a léiriú do na mic léinn Meiriceánacha atá á foghlaim.

Is ormsa a bhí an t-adh mar sin, go ndearna Eoin McEvoy an-jab de cheana féin agus go ndearnadh taifead air!

Tá an cuntas FB a chruthaigh Eoin don Ghaeilge anseo.

Tá an cuntas agus an chaint a thug sé in éineacht leis soiléir agus lán-eolais, cosúil le gach rud a dhéanann Eoin!

Faoi láthair tá Eoin ag obair le Scoil na Gaeilge, an Léinn Cheiltigh agus an Bhéaloidis, UCD.

Is fiú go mór súil a chaitheamh ar leathanach Soundcloud na scoile, ar a gcuireann Eoin míreanna i nGaeilge agus i mBéarla ó chainteanna agus léachtaí a thugtar sa Scoil.

Leanaigí an cuntas, go gcloise sibh réimse leathan d’ábhar agus scoth na gcainteoirí freisin!

Dialann Deoraí

Táim in Philadelphia faoi láthair agus is mé atá sásta go bhfoilseofar dialann uaim ar shuíomh RTÉ gach mí.

philadelpia

Sa chéad phíosa a scríobh mé, anseo, rinne mé cur síos ar an bpróiséas a bhain le cur isteach ar an Fulbright, agus an ullmhúchán ar fad a bhí le déanamh agam roimh ré.

Bheadh san t-alt sin úsáideach mar threoir do dhuine ar bith atá ag smaoineamh ar cur isteach ar an gclár.

Foilsíodh an dara alt inniu, anseo.

Anois agus mé socraithe isteach anseo, beidh sé go deas an t-alt sin a bheith agam gach mí le mo chuid tuairimí faoin áit seo a roinnt libhse.

Hup, Meiriceá!

Ag tosú ar an ollscoil? Fan leis an nGaeilge…

B’fhéidir nach gceapfá anois é… ach in 2009 bhí an seans ann nach leanfainn ar aghaidh leis an nGaeilge tar éis na hardteiste in aon chor.

Ní raibh an teanga ag mo theaghlach nó mo chairde. Bhíos ag smaoineamh ar chúrsa eolaíochta a dhéanamh. Bhí an seans go n-imeodh an Gaeilge a bhí agam go deo (agus ag breathnú siar is beag a bhí agam dáiríre).

Ach ní sin a tharla! Tá an Ghaeilge agam fós agus úsáidim go laethúil í.

Cé go raibh mé an-neirbhíseach, agus cé nár thuig mé an-chuid a bhí á rá ag daoine, cláraigh mé leis an gCumann Gaelach.

Táim an-bhuíoch de bheocht an chumainn as mo ghrá agus spéis sa teanga a spreagadh agus a mhéadú thar na blianta a chaith mé ar an ollscoil. D’athraigh sé mo shaol go hiomlán.

(Samhlaigh an saol eile a bhí romham – Ciara Heneghan, eolaí, béarlóir!?!)

Ar an láimh eile, feicim cairde liom nár chláraigh leis an gCumann agus atá brónach anois nach bhfuil an teanga acu a thuilleadh.

Mar sin LE BHUR dTOIL déanaigí cinnte go gcláraíonn na daoine óga i bhur timpeall leis an gCumann.

Labhair leo faoi, nó taispeáin an físeán seo dóibh.