Seo dán úrnua le Marcus Mac Conghail; ceoltóir, amhránaí, file, údar Ceol Baile, agus buaiteoir Ghradam Filíochta Mhichíl Uí hAirtnéide 2015.
Agus, gan dabht, cloisfear tuilleadh uaidh ag Reic, an Déardaoin beag seo!
marcus mac conghail
Gradam Filíochta Mhichíl Uí hAirtnéide 2015
Comhghairdeas mór le Marcus Mac Conghail agus le Catríona Ní Chléirchín a bhí mar chomhfhaigteoirí Ghradam Filíochta Mhichíl Uí hAirtnéide 2015.
I mbliana bronnadh an duais ar shaothair i nGaeilge ach an bhliain seo chugainn bronnfar í ar shaothar i mBéarla (agus ansin ar shaothar i nGaeilge arís an bhliain i ndhiaidh sin srl!).
Is iad seo a leanas na buaiteoirí a raibh saothar i nGaeilge acu le cúpla bliain anuas:
2002 – Gearóid Mac Lochlainn
2004 – Pádraig Ó Snodaigh agus Seán Ó Curraoin
2006 – Paddy Bushe
2008 – Áine Uí Fhoghlú
2010 – ní raibh duais
2012 – Stiofán Ó Cadhla
Seo an méid a bhí le rá ag na moltóirí maidir le Marcus, “Tá filíocht Mharcuis Mhic Chonghail fréamhaithe sa cheol agus sa saol nua-aimseartha. Tá dánta fuinniúla Beat, liricí áille ciúine agus véarsaí dána dea-ghiúmaracha ina chnuasach Ceol Baile. Tá dúchas na Gaeltachta agus scóp na nua-Ghaeilge cathrach ag saibhriú a chéile ina chuid dánta.”
Bronnfar an duais orthu ag Éigse Mhichíl Uí hAirtnéide i Luimneach ar 16/04.
Is féidir Ceol Baile a cheannach anseo.
Suan Eile le Les Lord
Anuraidh scríobh mé dán, Suan Eile, faoi mo chara Pádraig Schaler.*
Tar éis do Mharcus Mac Conghail é a léamh, chuir sé ceol leis na focail agus rinne sé taifead air, agus ansin chóirigh Les Lord píosa Mharcuis le ‘piano ambient piece’ a dhéanamh as. Nach iontach an forás é sin ag teacht ó dháinín beag ó bharr mo phinn?
Táim díreach tar éis é a chloisteáil, tá sé suaithinseach go deimhin:
*Tá taifead domsa á rá ar an dlúthdhiosca Amhrán do Phádraig, chomh maith leis an bpríomhamhrán iontach Dreamboat.
REIC – Marcus Mac Conghail
Is iontach an scéal é go mbeidh an file (agus amhránaí) Marcus Mac Conghail páirteach san oíche filíochta REIC.
Rud iontach a bhaineann le filíocht Mharcuis ná go bhfuil sé compordach leis an rud traidisiúnta agus leis an rud nua-aoiseach araon. Foilsíodh a chéad leabhar, Ceol Baile anuraidh agus faoi láthair tá sé ag obair ar albam a ghabhann leis.
Seo dán ó Ceol Baile a chuir sé in airde ar YouTube inniu.
Leis sin, seo amhrán dá chuid.
Ag súil go mór le tuilleadh a chlositeáil uaidh ar an 19ú de mhí an Mhárta.
mise Ciara 