Séamus Barra Ó Súilleabháin. Togha fir. Chonaic mé cúpla rud leis inniu agus is fiú iad a roinnt in aon áit amháin.
1) LÉIGH – Araibis – dán in Southword.
2) FÉACH – Haiki Tuathail – sraith haiku, i Béarla agus i nGaeilge.
3) ÉIST – Muca – traic hip hop a rinne sé le Craos (eisean agus Rob Mulhern).
Agus i ndiaidh sin is uile tar le Séamus a fheiceáil ag REIC ar an 17ú Iúil, sa Generator Smithfield.
Bhuel leaids, seo dán nua le Séamus Barra Ó Súilleabháin.
Mar a dúirt mé cheana, is é bronntanas (nó ‘offering’ fiú) an bhrí atá leis an bhfocal dán, agus tar éis do Shéamus an dán seo a thaifead in ainm REIC, is oiriúnach ar fad é mar fhocal.
Bígí linn ar an 19ú; tá dream dána ildánach i dán daoibh.
An tseachtain seo caite fógraíodh an gearrliosta don Irish People’s Poetry Prize 2015.
Dáréag atá ainmnithe, agus beirt a bheidh ag REIC ina measc: Eva O’Connor agus Séamus Barra Ó Súilleabháin. Comhghairdeas leo beirt!
Ach níor fhoilsigh mé blagmhír maidir le Séamus go fóillín.
Mura bhfuil cur amach agat air; saolaoídh i Londain é Séamus ach tógadh é i gCiarraí Thuaidh.
Sárfhile atá ann, a bhuaigh an All Ireland Poetry Slam sa bhliain 2011 (d’ainneoin nach raibh Gaeilge ag an gcuid is mó den lucht féachana).
Chuala mise den chéad uair é lá amháin agus mé ag feckáil timpeall ar YouTube agus is ormsa a bhí an t-iontas. Ó shin bhí an t-ádh orm é a fheiceáil agus é ar a bhuaic ag Electric Picnic, ag IMRAM, agus ag an gCabaret Craiceáilte.
Seo an dán dá chuid atá ainmnithe don Irish People’s Poetry Prize:
mise Ciara 